Benvidos ao Movemento Dezao polo Ensino Público
ACTUALIDADE:
RESISTENCIA Á LOMCE
Consultade as medidas de resistencia á LOMCE propostas dende a plataforma Marea Verde, tanto para pais/nais e alumn@s como para profesores/as.
O Movemento Dezao polo Ensino Público é unha asociación aberta a toda a comunidade educativa.
Nace coa intención de reflexionar sobre o momento que está a atravesar o ensino público na nosa comarca.
O contexto no que nos situamos ten dúas inquedanzas graves. En primeiro lugar, a vaga de recortes por parte da administración. En segundo lugar, o horizonte dunha nova proposta lexislativa por parte do Ministerio de Educación, a LOMCE.
Estas dúas circunstancias lévannos a pensar que o modelo de ensino público que se leva construíndo no país nos últimos decenios está agora en serio perigo e queremos influír de todos os xeitos ao noso alcance para preservalo e, en todo caso, melloralo e apuntalalo.
Tentamos aglutinar a tod@s @s que teñan algo que ver co ensino (familias: p/nais e alumnado, docentes, traballadores non docentes) e compartan os principios que nos moven.
Todas as persoas que formamos parte deste colectivo cremos no principio dun ENSINO PÚBLICO, GRATUÍTO E DE CALIDADE.
A nosa pretensión é crear na comarca un espazo de debate en torno ao ensino, focalizando as nosas actuacións sobre as infraestructuras e necesidades da zona.
Polo tanto, propoñemos a seguinte folla de ruta:
- Difusión da constitución da asociación e captación de adhesións entre a comunidade educativa da zona.
- Información sobre a situación dos centros educativos da comarca.
- Estudo do anteproxecto da LOMCE e as súas posibles repercusións.
Pincha na imaxe para ver o documento pdf.
Movemento Dezao polo Ensino Público